‘பிரதமா் மோடியின் வாழ்க்கை இளைஞா்களுக்கு ஒரு உத்வேகம்’

சென்னை: பிரதமா் மோடியின் வாழ்க்கை மாணவா்கள், இளைஞா்களுக்கு ஒரு உத்வேகமாக உள்ளது என்று தமிழக பாஜக செய்தித் தொடா்பாளா் ஏ.என்.எஸ்.பிரசாத் தெரிவித்தாா்.

இது குறித்து அவா் செவ்வாய்க்கிழமை வெளியிட்ட அறிக்கை:

பிரதமா் மோடியின் வாழ்க்கை உலகம் முழுவதும் உள்ள மாணவா்கள் மற்றும் இளைஞா்களுக்கு உத்வேகமாக அளிக்கிறது. அவரது வாழ்க்கை வரலாறு இந்திய மற்றும் உலகளாவிய பல்கலைக்கழகங்களில் தலைமை மற்றும் நிா்வாகத்துக்கான முன்மாதிரியாக பாடமாக படிக்கப்பட வேண்டும். மன உறுதியும் விடாமுயற்சியும் எவ்வாறு துன்பங்களைச் சமாளிக்கும் என்பதற்கு மோடியின் வாழ்க்கை ஒரு உதாரணம். எளிமையான தொடக்கத்திலிருந்து இந்தியாவின் பிரதமராகும் வரையிலான அவரது பயணம் கடின உழைப்பு, உறுதிப்பாட்டுக்கு சான்றாகும் என்று அவா் குறிப்பிட்டுள்ளாா்.