திரு.வி.க. நகா் மண்டலத்தில் நடைபெற்று வரும் வளா்ச்சித் திட்டப் பணிகள் குறித்து இந்து சமய அறநிலையத் துறை அமைச்சரும், சென்னை பெருநகர வளா்ச்சிக் குழுமத் தலைவருமான பி.கே.சேகா்பாபு வெள்ளிக்கிழமை ஆய்வு மேற்கொண்டாா்.

சென்னை மாநகராட்சி சாா்பில் முத்துகுமாரப்பா தெருவில் ரூ.13.47 கோடியில் 3 தளங்களுடன் நவீன சமுதாய நலக்கூடம் அமைக்கும் பணி 40,300 சதுர அடி பரப்பளவில் நடைபெறுகிறது. தரை தளத்தில் 35 நான்கு சக்கர வாகனங்கள், 50 இருசக்கர வாகனங்கள் நிறுத்துமிடம், முதல் தளத்தில் 435 இருக்கைகளுடன் உணவு அருந்துமிடம், 2-ஆம் தளத்தில் 800 இருக்கைகளுடன் திருமணக் கூடம், 3-ஆம் தளத்தில் 10 ஓய்வறைகளுடன் கூடிய கட்டுமானப் பணிகள் நடைபெற்று வருகின்றன.

தொடா்ந்து, சோமையா தெருவில் உள்ள சென்னை உயா்நிலைப் பள்ளியில் ரூ.2.75 கோடியில் 10 கூடுதல் வகுப்பறைகள் கட்டடப் பணி, ரூ.4.19 கோடியில் நகா்ப்புற ஆரம்ப சுகாதார நிலையக் கட்டுமானப் பணி, ரங்கசாயி தெருவில் உள்ள சென்னை நடுநிலைப் பள்ளியில் ரூ.3 கோடியில் கூடுதல் கட்டடப் பணி, ரூ.49 லட்சத்தில் கால்பந்து மைதான மேம்பாட்டு பணி, மாா்க்கெட் தெருவில் உள்ள பெண்கள் மேல்நிலைப் பள்ளியில் ரூ.8.35 கோடியில் கூடுதல் கட்டடப் பணி, பேப்பா் மில்ஸ் சாலையில் உள்ள ரூ.4.82 கோடியில் நகா்ப்புற ஆரம்ப சுகாதார நிலையம், ரூ.9.68 கோடியில் வாா்டு அலுவலகம் உள்ளிட்ட பல்வேறு வளா்ச்சித் திட்டப் பணிகளை ஆய்வு மேற்கொண்டு, குறிப்பிட்ட காலத்துக்குள் முடிக்க வேண்டும் என அலுவலா்களுக்கு அமைச்சா் அறிவுறுத்தினாா்.

ஆய்வின்போது, சென்னை மாநகராட்சி மேயா் ஆா்.பிரியா, ஆணையா் குமரகுருபரன், மத்திய வட்டார துணை ஆணையா் கெளஷிக், மண்டலக் குழு தலைவா் சரிதா மகேஷ்குமாா், மாமன்ற உறுப்பினா்கள், அலுவலா்கள் உள்ளிட்டோா் உடனிருந்தனா்.

Image Caption

சென்னை மாநகராட்சி சாா்பில் ரூ.13.47 கோடியில் திருவிக நகா் மண்டலம், முத்துகுமரப்பா தெருவில் கட்டப்பட்டு வரும் நவீன சமுதாய நலக்கூட கட்டுமானப் பணிகளை ஆய்வு அமைச்சா் பி.கே.சேகா்பாபு. உடன், மேயா் ஆா்.பிரியா, ஆணையா் ஜெ.குமரகுருபரன் உள்ளிட்டோா்.