விஜய் தலைமையில் இன்று(ஜூலை 20) நடைபெறவிருந்த தவெக மாவட்டச் செயலாளர்கள் கூட்டம் ஒத்திவைக்கப்பட்டுள்ளது.

2026 சட்டப்பேரவைத் தேர்தலை முன்னிட்டு அரசியல் கட்சிகள் தீவிரமாக தோ்தல் பணிகளில் ஈடுபட்டுள்ளன. புதிய கட்சியான விஜய்யின் தமிழக வெற்றிக் கழகமும் மாநில மாநாடு, பூத் கமிட்டி மாநாடு, செயற்குழுக் கூட்டம் எனப் பணிகளைத் தீவிரப்படுத்தி வருகிறது.

அதன் தொடா்ச்சியாக, தவெக மாவட்டச் செயலாளர்கள் கூட்டத்தை இன்று நடத்த அந்தக் கட்சியின் தலைமை திட்டமிட்டு இருந்தது.

இந்த மாவட்டச் செயலர்கள் கூட்டத்தில், கட்சியின் உறுப்பினர் சேர்க்கையை விரைவுபடுத்தும் வகையில் புதிய செயலியை தவெக தலைவர் விஜய் அறிமுகப்படுத்தப்பட இருந்தது.

இந்த நிலையில், செயலியில் ஏற்பட்ட தொழில்நுட்பக் கோளாறு காரணமாக, தவெக மாவட்டச் செயலாளர்கள் கூட்டமும் புதிய செயலி அறிமுகப்படுத்தும் நிகழ்ச்சியும் ஒத்திவைக்கப்பட்டுள்ளது.

வருகிற ஆக. 25-ஆம் தேதி மதுரையில் தவெக இரண்டாவது மாநில மாநாட்டை நடத்தவுள்ளது குறிப்பிடத்தக்கது.

இதையும் படிக்க: ஆட்சியில் பங்கு கொடுக்க நாங்கள் ஒன்றும் ஏமாளி அல்ல: இபிஎஸ்