தொகுதி மறுசீரமைப்பு தொடர்பாக நாளை (மாா்ச் 5) நடைபெறவுள்ள முதல்வர் ஸ்டாலின் தலைமையிலான அனைத்துக் கட்சிக் கூட்டத்தில் தமிழக வெற்றிக் கழகம் பங்கேற்கிறது.

மக்களவை தொகுதிகள் மறுசீரமைப்பு விவகாரம் தொடா்பாக விவாதிக்க புதன்கிழமை (மாா்ச் 5) நடைபெறவுள்ள அனைத்துக் கட்சிக் கூட்டத்துக்கு தமிழக அரசு 45 கட்சிகளுக்கு அழைப்பு விடுத்தது.

தமிழகத்தில் மொத்தம் 183 கட்சிகள் உள்ள நிலையில், அனைத்துக் கட்சிக் கூட்டத்துக்கு பதிவு செய்யப்பட்ட 45 கட்சிகளுக்கு மட்டுமே அழைப்பு விடுக்கப்பட்டது.

இதையும் படிக்க: ஜெர்மனியில் செவிலியர் பணிக்கு 2 லட்சம் ஊதியம்: தமிழக அரசு

இந்த நிலையில், நாளை நடைபெறும் அனைத்துக் கட்சிக் கூட்டத்தில் தமிழக வெற்றிக் கட்சியின் சார்பில் அக்கட்சியின் பொதுச்செயலாளர் என். ஆனந்த பங்கேற்கிறார்.

இதனிடையே, அனைத்துக் கட்சிக் கூட்டத்தை புறக்கணிக்கப் போவதாக பாஜக, தமிழ் மாநில காங்கிரஸ், நாம் தமிழா் கட்சி, புதிய தமிழகம் உள்ளிட்டக் கட்சிகள் அறிவித்துள்ளன.

அதிமுக, பாமக, தவெக உள்ளிட்டக் கட்சிகள் பங்கேற்க இருப்பதாகவும் அறிவித்துள்ளன.