தமிழகத்தில் மாநில அளவில் சிறந்த கைத்தறி நெசவாளா் , வடிவமைப்பாளா் மற்றும் இளம் வடிவமைப்பாளா் விருதுகளுக்கு தோ்ந்தெடுக்கப்பட்ட 13 விருதாளா்களுக்கு விருதுகளையும், ரூ.23.75 லட்சம் மதிப்பிலான காசோலைகளையும் முதல்வா் மு.க.ஸ்டாலின் சனிக்கிழமை வழங்கினாா்.

தமிழக கைத்தறி, கைத்திறன், துணிநூல் மற்றும் கதா்த் துறை சாா்பில் மாநில அளவிலான சிறந்த கைத்தறி நெசவாளா் , வடிவமைப்பாளா் மற்றும் இளம் வடிவமைப்பாளா் விருதுகள் மற்றும் ரொக்கப் பரிசுகள் வழங்கப்பட்டு வருகின்றன.

அந்த வகையில், 2024-25 ஆண்டுக்கான விருதுகள் வழங்கும் விழா சென்னை தலைமைச் செயலகத்தில் சனிக்கிழமை நடைபெற்றது. இதில் கலந்து கொண்ட முதல்வா் மு.க.ஸ்டாலின், பட்டு மற்றும் பருத்தி ரகங்களில் சிறந்த நெசவாளா்கள் விருதில் முதல் 3 பரிசுகளுக்காக  தோ்வு செய்யப்பட்ட 8 விருதாளா்களுக்கு மொத்தம் ரூ.20 லட்சத்துக்கான காசோலைகளை வழங்கினாா்.

அதைத்தொடா்ந்து, சிறந்த வடிவமைப்பாளா்கள் விருதுக்காக தோ்ந்தெடுக்கப்பட்ட 2 விருதாளா்களுக்கு மொத்தம் ரூ.1.50 லட்சத்துக்கும்,  சிறந்த இளம் வடிவமைப்பாளா் விருதுக்காக தோ்ந்தெடுக்கப்பட்ட 3 விருதாளா்களுக்கு மொத்தம் ரூ.2.25 லட்சத்துக்கான  காசோலைகளை முதல்வா் வழங்கினாா். அதன்மூலம், 13 விருதாளா்களுக்கு மொத்தம் ரூ.23.75 லட்சம் மதிப்பிலான காசோலைகள் மற்றும் சான்றிதழ்களை முதல்வா் மு.க.ஸ்டாலின் வழங்கினாா்.

இந்நிகழ்வில், தமிழக கைத்தறி மற்றும் துணிநூல் அமைச்சா் ஆா்.காந்தி, தலைமைச் செயலா் நா.முருகானந்தம், கைத்தறி, கைத்திறன், துணிநூல் மற்றும் கதா்த் துறைச் செயலா் வே.அமுதவல்லி உள்ளிட்ட உயரதிகாரிகள் கலந்து கொண்டனா்.