‘வெல்லும் தமிழ்ப் பெண்கள்’ எனும் பெயரில் திமுக மேற்கு மண்டல மகளிா் அணி மாநாடு, வரும் 29 ஆம் தேதி திருப்பூா் மாவட்டம், பல்லடத்தில் நடைபெறுகிறது. இந்த மாநாடு குறித்த ஆலோசனைக் கூட்டம், தென்காசி வடக்கு மாவட்டம் சாா்பில் புதன்கிழமை நடைபெற்றது.

தென்காசி வடக்கு மாவட்டச் செயலா் ஈ. ராஜா தலைமை வகித்துப் பேசினாா். மாநாட்டில் வடக்கு மாவட்டம் சாா்பில், அதிக அளவில் மகளிரணியினா் பங்கேற்பது குறித்த ஆலோசனைகளை அவா் வழங்கினாா்.

கூட்டத்தில் மாவட்ட துணைச் செயலா் புனிதா, பொதுக்குழு உறுப்பினா்கள் மகேஸ்வரி, பராசக்தி, மாவட்ட மகளிா் அணி தலைவா் அன்புமணி கணேசன், மாவட்ட மகளிா் தொண்டரணி தலைவா் உமா மகேஸ்வரி, மாவட்ட மகளிா் அணி அமைப்பாளா் சிவசங்கரி, மாவட்ட மகளிா் தொண்டரணி அமைப்பாளா் விஜயா, மகளிா் அணி துணைத் தலைவா் அண்ணாமலை, மகளிா் அணி துணை அமைப்பாளா்கள் கற்பகம், கிருஷ்ணலீலா, மகளிா் தொண்டரணி துணை அமைப்பாளா்கள் பிரபாவதி, அன்னலட்சுமி, விஜயலட்சுமி, தமிழ்ச்செல்வி, மாவட்ட மகளிா் அணி வலைதள பொறுப்பாளா் கவிதா ஆகியோா் கலந்துகொண்டனா்.