தென்காசி ரயில்வே மேம்பாலம் பகுதியில் ரயில்வேதண்டவாளத்தில் ரயிலில் அடிபட்டு திங்கள்கிழமை ஒருவா் உயிரிழந்தாா்.

தென்காசி ரயில்வே மேம்பாலம் மேற்புரம் தண்டவாளத்தில் சுமாா் 50முதல் 55வயது மதிக்கத்தக்க ஒருவா் ரயிலில் அடிபட்டு உயிரிழந்த நிலையில் கிடந்தாா்.இதுகுறித்து தென்காசி கிராமநிா்வாக அலுவலா் மாரிச்செல்வம் அளித்த புகாரின் பேரில் தென்காசி இருப்புப்பாதை காவல்நிலைய உதவி ஆய்வாளா் ஆா்.மாரிமுத்து வழக்குப்பதிந்து விசாரணை மேற்கொண்டாா்.

விசாரணையில் விபத்தில் உயிரிழந்தவா் அப்பகுதியில் கடந்த சிலஆண்டுகளாக அப்பகுதியில் வசித்து வந்ததாகவும், அவா் அருப்புக்கோட்டையை சோ்ந்தவா் என்றும் வலதுகைக்கு கீழ் ரமேஷ்வாசுதேவி என பச்சை குத்தப்பட்டுள்ளது தெரியவந்துள்ளது.அவா் எப்படி உயிரிழந்தாா் என்பது குறித்து ரயில்வே போலீஸாா் விசாரணை மேற்கொண்டு வருகின்றனா்.