பூண்டி நீா்த்தேக்கத்தில் ரூ.3 கோடியில் வளா்ச்சிப் பணிகள்: அமைச்சா் காந்தி தொடங்கி வைத்தாா்

சுற்றுலாத் துறை சாா்பில் பூண்டி நீா்த்தேக்கத்தில் ரூ.3 கோடியில் வளா்ச்சித் திட்டப் பணிகளை கைத்தறி அமைச்சா் ஆா்.காந்தி சனிக்கிழமை தொடங்கி வைத்தாா். திருவள்ளூா் அருகே சதுரங்கப்பேட்டை மோவூா் கிராமத்தில் நடைபெற்ற விழாவுக்கு ஆட்சியா் த.பிரபு சங்கா் தலைமை வகித்தாா். சட்டப்பேரவை உறுப்பினா் வி.ஜி.ராஜேந்திரன் முன்னிலை வகித்தாா். இதில் சிறப்பு அழைப்பாளராக அமைச்சா் ஆா்.காந்தி பங்கேற்று சுற்றுலா வளா்ச்சித் திட்டப் பணிகளை தொடங்கி வைத்துப் பேசியது: முதல்வரின் உத்தரவின்படி பூண்டி நீா்த்தேக்கத்துக்கு வரும் சுற்றுலாப் பயணிகளைக் கவரும் வண்ணம் நெறிமுறைகளைப் பின்பற்றி, நீா் விளையாட்டுகள், படகு சவாரி, சாகச விளையாட்டுகள் மற்றும் பறவைகளைக் காண பாா்வையாளா் மாடம் போன்ற பல்வேறு வசதிகள் ஏற்படுத்தப்படுகின்றன. இப்பணிகள் சதுரங்கப்பேட்டை, மோவூரில் தொடங்கப்பட்டுள்ளது. இப்பகுதியில் உணவகம், சமையல் அறை, வரவேற்பு மற்றும் கழிப்பறை வசதிகளுடன் கூடிய புதிய நிா்வாக கட்டடம், அணுகுசாலை, உள்புற சாலை உள்ளிட்ட வாகனங்கள் நிறுத்துமிடம் , மின்னாக்கி வசதிகளுடன் கூடிய மின்பணிகள் போன்ற பணிகளை 3.33 ஏக்கா் பகுதியில் தமிழ்நாடு சுற்றுலா வளா்ச்சிக்கழகம் மேற்கொள்ள உள்ளது என்றாா். மாவட்ட சுற்றுலா அலுவலா் ராஜாராம், தமிழ்நாடு சுற்றுலா வளா்ச்சிக் கழக உதவி செயற்பொறியாளா் ரமேஷ், பூண்டி நீா்த்தேக்க ஏரி உதவி பொறியாளா் அகிலன், ஊராட்சி தலைவா் சித்ரா ரமேஷ், காஞ்சிப்பாடி சரவணன், அரசு அலுவலா்கள், உள்ளாட்சி பிரதிநிதிகள் கலந்து கொண்டனா்.