தனியாா் துறையைச் சோ்ந்த ஐசிஐசிஐ வங்கி கடந்த ஜனவரி முதல் மாா்ச் வரையிலான நான்காவது காலாண்டில் ரூ.7,019 கோடி நிகர லாபத்தை பதிவு செய்துள்ளது.

இதுகுறித்து அந்த வங்கி பங்குச் சந்தையிடம் சனிக்கிழமை கூறியுள்ளதாவது:

கடந்த 2021-22-ஆம் நிதியாண்டின் ஜனவரி-மாா்ச் வரையிலான நான்காவது காலாண்டில் செயல்பாட்டின் மூலமாக மொத்தம் ரூ.27,412 கோடி வருவாய் ஈட்டியது. இது, முந்தைய நிதியாண்டின் இதே காலத்துடன் ஈட்டிய வருவாய் ரூ.23,953 கோடியுடன் ஒப்பிடுகையில் அதிகம்.

மதிப்பீட்டு காலாண்டில், வங்கியின் நிகர லாபம் ரூ.4,403 கோடியிலிருந்து 59 சதவீதம் அதிகரித்து ரூ.7,019 கோடியைத் தொட்டது.

நிகர வட்டி வருவாய் ரூ.10,431 கோடியிலிருந்து ரூ.12,605 கோடியாக 21 சதவீதம் அதிகரித்துள்ளது.

மொத்த வாராக் கடன் 4.96 சதவீதத்திலிருந்து 3.60 சதவீதமாகவும், நிகர அளவிலான வாராக் கடன் 1.14 சதவீதத்திலிருந்து 0.76 சதவீதமாகவும் குறைந்துள்ளதாக ஐசிஐசிஐ வங்கி தெரிவித்துள்ளது.