டோமினோஸ் பீட்ஸா, டன்கின் டூநட்ஸ் உள்ளிட்ட துரித உணவகங்களை இயக்கி வரும் ஜூபிலியண்ட் ஃபுட்ஒா்க்ஸ் ஏப்ரல்-ஜூன் காலாண்டில் ரூ.112.58 கோடி நிகர லாபத்தை பதிவு செய்துள்ளது. இது, முந்தைய நிதியாண்டின் இதே காலாண்டில் ஈட்டிய லாபம் ரூ.69.06 கோடியுடன் ஒப்பிடும்போது 63.01 சதவீதம் அதிகமாகும்.

செயல்பாட்டின் மூலமாக கிடைத்த வருவாய் கணக்கீட்டு காலாண்டில் ரூ.893.18 கோடியிலிருந்து 40.51 சதவீதம் உயா்ந்து ரூ.1,255.09 கோடியானது. செலவினம் ரூ.814.51 கோடியிலிருந்து ரூ.1,104.94 கோடியாக உயா்ந்தது.

நிகழாண்டின் ஜூன் 30 நிலவரப்படி நாடு முழுவதும் உள்ள 349 நகரங்களில் 1,625 உணவகங்களை நடத்தி வருவதாக ஜூபிலியண்ட் தெரிவித்துள்ளது.