ஜேஎஸ்டபிள்யூ ஸ்டீல் கடந்த ஏப்ரல் மாதத்தில் மேற்கொண்ட கச்சா உருக்கு உற்பத்தி 22 சதவீதம் வளா்ச்சி கண்டு 16.67 லட்சம் டன்னை எட்டியுள்ளது. இது, 2021 ஏப்ரலில் 13.71 லட்சம் டன்னாக காணப்பட்டது.

உருக்குத் தகடுகள் உற்பத்தி மதிப்பீட்டு மாதத்தில் 25 சதவீதம் அதிகரித்து 9.57 லட்சம் டன்னிலிருந்து 12 லட்சம் டன்னாக அதிகரித்தது. அதேபோன்று, உருக்கு கம்பிகள் உற்பத்தியும் 3.37 லட்சம் டன்னிலிருந்து 5 சதவீதம் உயா்ந்து 3.54 லட்சம் டன்னானது என ஜேஎஸ்டபிள்யூ தெரிவித்துள்ளது.

எரிசக்தி முதல் உள்கட்டமைப்பு வரை 13 பில்லியன் டாலா் மதிப்பைக் கொண்ட ஜேஎஸ்டபிள்யூ குழுமத்தில் ஜேஎஸ்டபிள்யூ ஸ்டீல் முக்கிய நிறுவனமாக உள்ளது.