தங்கம் விலை பவுனுக்கு ரூ.352 குறைவு

சென்னையில் 22 கேரட் ஆபரணத் தங்கத்தின் விலை வியாழக்கிழமை பவுனுக்கு ரூ.352 குறைந்து ரூ.37,680-க்கு விற்பனையானது.

கடந்த ஜூலை மாதம் 27-ஆம் தேதி 1 பவுன் தங்கம் ரூ.37,880-க்கு விற்றது. அதன் பிறகு வியாழக்கிழமை பவுன் ரூ.38 ஆயிரத்துக்கு கீழே வந்துள்ளது. கடந்த புதன்கிழமை ஒரு கிராம் தங்கம் ரூ.4,754-க்கு விற்கப்பட்டது. இதைத் தொடா்ந்து கிராமுக்கு ரூ.44 குறைந்து ரூ.4,710-க்கு விற்கப்படுகிறது. இதேபோன்று வெள்ளியின் விலையும் குறைந்துள்ளது. புதன்கிழமை ஒரு கிராம் வெள்ளி ரூ.60-க்கு விற்கப்பட்ட நிலையில் அது வியாழக்கிழமை 2 ரூபாய் குறைந்து ரூ.58-க்கு விற்கப்படுகிறது. ஒரு கிலோ பாா் வெள்ளி ரூ.58 ஆயிரத்துக்கு விற்பனையாகிறது.