புதுதில்லி:  மாருதி சுசூகி இந்தியா நிறுவனமானது ஜூலை மாதத்தில் அதன் மொத்த விற்பனை 3 சதவிகிதம் அதிகரித்து 1,81,630 யூனிட்டுகளாக உள்ளது என தெரிவித்துள்ளது.

இதுகுறித்து மாருதி சுஸுகி இந்தியா லிமிடெட் வெளியிட்டுள்ள அறிக்கையில் தெரிவித்துள்ளதாவது: 

கடந்த ஆண்டு இதே மாதத்தில் மொத்தம் 1,75,916 வாகனங்களை டீலர்களுக்கு அனுப்பி வைத்தோம். அதே வேளையில் மொத்த உள்நாட்டு பயணிகள் வாகன விற்பனையானது 1,42,850-லிருந்து 6 சதவிகிதம் அதிகரித்து 1,52,126-ஆக உள்ளது.

ஆல்டோ மற்றும் எஸ்-பிரெஸ்ஸோ உள்ளிட்ட மினி செக்மென்ட் கார்களின் விற்பனை ஜூலை 2022-ல் 20,333-ல் இருந்து 9,590-ஆக குறைந்துள்ளது.

பலேனோ, செலிரியோ, டிசையர், இக்னிஸ் மற்றும் ஸ்விஃப்ட் உள்ளிட்ட காம்பேக்ட் கார்களின் விற்பனையும் 21 சதவிகிதம் குறைந்து 84,818-ல் இருந்து 67,102-ஆக விற்பனையானது.

பிரெஸ்ஸா, எர்டிகா, ஃபிராங்க்ஸ், கிராண்ட் விட்டாரா, ஜிம்னி மற்றும் எக்ஸ்எல்-6 ஆகியவற்றை உள்ளடக்கிய பயன்பாட்டு வாகனங்கள் கடந்த மாதம் 62,049 யூனிட்டுகளை விற்பனையானது. இது ஜூலை 2022-ல் அனுப்பப்பட்ட 23,272 யூனிட்டுகளுடன் ஒப்பிடும்போது இரண்டு மடங்கு அதிகரித்துள்ளது.

மாருதி சுசூகி இந்தியா லிமிடெட் நிறுவனம் கடந்த மாதம் 22,199 கார்களை ஏற்றுமதி செய்துள்ளது என்பது குறிப்பிடத்தக்கது.