ரெட்மி நிறுவனம் 300W அதிவேக சார்ஜிங் தொழில்நுட்பத்தை அறிமுகப்படுத்தியுள்ளது.

ஒரு மாதத்திற்கு முன்பு, ரியல்மீ அதன் 240W வேகமான சார்ஜிங் தொழில்நுட்பத்தை வெளியிட்டது. இதன் மூலம், ரெட்மியானது ரியல்மீயின் தொழில்நுட்பத்தை விஞ்சியுள்ளது.

உலகின் அதிவேக சார்ஜிங் ஸ்மார்ட்போனான ரியல்மீ GT 3 ஐ அறிமுகப்படுத்தியது. இது சுமார் அதிவேகமாக பேட்டரியை முழுமையாக சார்ஜ் செய்ய முடியும் என தெரிவிக்கப்பட்டது.  

4,100mAh பேட்டரியுடன் கூடிய ரெட்மி நோட் 12 டிஸ்கவரி (எக்ஸ்ப்ளோரர் பதிப்பு) ஸ்மார்ட்போன் ஆனது நிறுவனத்தின் அதிகாரப்பூர்வ டெமோ விடியோவில், ஸ்மார்ட்போன் 50%  வரை சார்ஜ் செய்ய 2 நிமிடங்கள் மற்றும் 11 வினாடிகள் எடுத்தது. முழுமையாக சார்ஜ் செய்ய 5 நிமிடங்களுக்குள் எடுத்தது.

ஆனால், ஒரிஜினல் நோட் 12 டிஸ்கவரி போன் 4,300mAh பேட்டரி கொண்டது. இந்தச் சோதனைக்காக போன் மாற்றியமைக்கப்பட்டது.

இதையும் படிக்க: பிப்ரவரியில் 7.45 சதவிகிதமாக அதிகரித்த வேலையின்மை விகிதம் 

ரெட்மி மற்றும் சியோமி ஆகியவை 300W ஃபாஸ்ட் சார்ஜிங் தொழில்நுட்பத்தை வெளிடும் தேதியை அறிவிக்கவில்லை.