தங்கம் விலை பவுனுக்கு ரூ.240 குறைந்தது

சென்னை: சென்னையில் ஆபரண தங்கத்தின் விலை செவ்வாய்க்கிழமை பவுனுக்கு ரூ.240 குறைந்து ரூ.54,160-க்கு விற்பனையானது.

சென்னையில் திங்கள்கிழமை ஒரு பவுன் ஆபரணத் தங்கத்தின் விலை ரூ.160 குறைந்து ரூ.54,400-க்கு விற்பனையானது. தொடா்ந்து செவ்வாய்க்கிழமையும் தங்கத்தின் விலை குறைந்தது. அதன்படி, ஒரு கிராம் ரூ.30 குறைந்து 6,770-க்கும், ஒரு பவுன் ரூ.240 குறைந்து ரூ.54,160-க்கும் விற்பனையானது.

திங்கள்கிழமை ஒரு கிராம் வெள்ளி ரூ.99.50-க்கு விற்பனையான நிலையில், செவ்வாய்க்கிழமை 50 காசு குறைந்து ரூ.99-க்கும், ஒரு கிலோ (கட்டி வெள்ளி) ரூ.500 குறைந்து ரூ.99,000-க்கு விற்பனையானது.