புது தில்லி : இந்தியாவின் முன்னணி இரண்டு மற்றும் மூன்று சக்கர வாகன நிறுவனங்களில் ஒன்றான டிவிஎஸ் மோட்டாரின் நிகர லாபம் கடந்த செப்டம்பா் காலாண்டில் 41.4 சதவீதம் உயா்ந்துள்ளது.

இது குறித்து நிறுவனம் வெளியிட்டுள்ள அறிக்கையிகப்பட்டுள்ளதாவது:கடந்த ஜூலை முதல் செப்டம்பா் வரையிலான நடப்பு நிதியாண்டின் இரண்டாவது காலாண்டில் நிறுவனத்தின் ஒருங்கிணைந்த நிகர லாபம் 41.4 சதவீதம் அதிகரித்து ரூ.588.13 கோடியாக உள்ளது. முந்தைய 2023-24-ஆம் நிதியாண்டின் இதே காலாண்டில் நிறுவனம் ரூ.415.93 கோடி நிகர லாபம் ஈட்டியிருந்தது.மதிப்பீட்டுக் காலாண்டில் நிறுவனத்தின் செயல்பாட்டு வருவாய் ரூ.9,932.82 கோடியிலிருந்து ரூ.11,301.68 கோடியாக உயா்ந்துள்ளது.ஜூலை-செப்டம்பா் காலாண்டில் நிறுவன இரண்டு மற்றும் மூன்று சக்கர வாகனங்களின் ஏற்றுமதி உள்ளிட்ட ஒட்டுமொத்த விற்பனை 10.74 லட்சத்திலிருந்து 14 சதவீதம் வளா்ச்சியடைந்து 12.28 லட்சமாகியுள்ளது என்று அந்த அறிக்கையில் தெரிவிக்கப்பட்டுள்ளது.