ஐசிஐசிஐ வங்கியின் நிகர லாபம் 15% அதிகரிப்பு!

புதுதில்லி: ஐ.சி.ஐ.சி.ஐ. வங்கியின் நிகர லாபம், நடப்பு நிதியாண்டின், மூன்றாவது காலாண்டில், 15 சதவிகிதம் அதிகரித்து ரூ.11,792 கோடி ஆக உள்ளது.

இரண்டாவது பெரிய தனியார் துறை கடன் வழங்குநரான இந்நிறுவனம், கடந்த ஆண்டு இதே காலாண்டில் ரூ.10,272 கோடி நிகர லாபம் ஈட்டியது.

இது குறித்து ஐசிஐசிஐ வங்கி பங்குச் சந்தையிடம் தெரிவித்துள்ளதாவது:

எங்கள் மொத்த வருமானம் ரூ.42,792 கோடியிலிருந்து அதிகரித்து ரூ.48,368 கோடியானது. வட்டி வருவாய் ரூ.36,695 கோடியிலிருந்து அதிகரித்து ரூ.41,300 கோடியானது.

அதேபோல், நிகர வாராக் கடன் 0.44 சதவிகிதத்திலிருந்து 0.42 சதவிகிதமாகக் குறைந்துள்ளது.

இருப்பினும், வரி நீங்கலாக ஒட்டுமொத்த ஒதுக்கீடுகள், கடந்த ஆண்டு ரூ.1,049 கோடியிலிருந்து ரூ.1,227 கோடியாக அதிகரித்துள்ளது.

முந்தைய நிதியாண்டின் மூன்றாம் காலாண்டின் இறுதியில் 14.61 சதவீதமாக இருந்த மூலதன போதுமான விகிதம் தற்போது 14.71 சதவீதமாக உயர்ந்துள்ளது.

இதையும் படிக்க: அதானி வில்மர் லாபம் இரு மடங்காக அதிகரிப்பு!