தங்கம் விலை அதிரடி குறைவு! எவ்வளவு?

சென்னை: ஆபரணத் தங்கத்தின் விலை கடந்த வாரம் புதிய உச்சம் தொட்ட நிலையில், தொடர்ந்து இரண்டாவது நாளாக குறைந்துள்ளது.

சென்னையில் கடந்த சனிக்கிழமை தங்கத்தின் விலை புதிய உச்சமாக ஒரு சவரன் ரூ. 74,560-க்கு விற்பனை செய்யப்பட்டது.

இதையடுத்து, வாரத்தின் முதல் நாளான திங்கள்கிழமை (நேற்று) வணிகம் தொடங்கியதும், ஒரு சவரன் ஆபரணத் தங்கம் விலை ரூ.120 குறைந்து ரூ.74,440க்கு விற்பனை செய்யப்பட்டது.

தொடர்ந்து, இன்று காலையும் சவரனுக்கு அதிரடியாக ரூ. 840 குறைந்து ரூ. 73,600-க்கு விற்பனை செய்யப்படுகிறது. ஒரு கிராம் ரூ. 9,200-க்கு விற்பனையாகிறது.

வெள்ளி விலை தொடா்ந்து 4-ஆவது நாளாக மாற்றமின்றி கிராம் ரூ.120-க்கும், கட்டி வெள்ளி (ஒரு கிலோ) ரூ.1,20,000-க்கும் விற்பனையாகிறது.

இதையும் படிக்க : ஹெலிகாப்டர் விபத்து: ராணுவ சீருடையில் விமானி இறுதி ஊர்வலத்தில் பங்கேற்ற மனைவி!