சென்னையில் ஆபரணத் தங்கத்தின் விலை செவ்வாய்க்கிழமை காலை சவரனுக்கு ரூ. 1,200 குறைந்துள்ளது.
தங்கத்தின் விலை வரலாறு காணாத அளவுக்கு உயர்ந்துள்ளது. இதுவரை இல்லாத அளவுக்கு கடந்த அக். 17 ஆம் தேதி ஒரு சவரன் ரூ. 97,600-க்கு விற்பனையானது.
தீபாவளிப் பண்டிகைக்கு பின், ஆபரணத் தங்கத்தின் விலை மீண்டும் குறையத் தொடங்கியது. கடந்த வார இறுதியில் ஒரு சவரன் தங்கத்தின் விலை ரூ. 92,000 -க்கு விற்பனையானது.
வாரத்தின் முதல் நாளான நேற்று ஒரு சவரனுக்கு ரூ. 400 குறைந்து ரூ. 91,600 -க்கு விற்பனை செய்யப்பட்டது.
இந்த நிலையில், செவ்வாய்க்கிழமை காலை அதிரடியாக சவரனுக்கு ரூ. 1,200 குறைந்துள்ளது. ஒரு கிராம் ரூ. 11,300-க்கும், ஒரு சவரன் ரூ. 90,400-க்கும் விற்பனை செய்யப்படுகிறது.
அதேபோல், வெள்ளியின் விலையும் அதிரடியாக கிராமுக்கு ரூ. 5 குறைந்து, ஒரு கிராம் ரூ. 165-க்கும், ஒரு கிலோ கட்டி வெள்ளி ரூ. 1,65,000-க்கும் விற்பனை செய்யப்படுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.