கிசுகிசுவானது 25 சதவிகிதம் உண்மையாகவும் 75 சதவிகிதம் கலைஞர்களின் தனிப்பட்ட வாழ்க்கையைப் பாதிக்காமலும் இருக்க வேண்டும் – சிவகுமார்

இந்த சதவிகிதம் மாறும் போதுதான் தகராறே ஆரம்பமாகிறது!

***

ஓ மஞ்சு படத்தில் தீபா நடித்து வந்தார். குறுகிய காலத்தில் தீபா பருத்து விட்டதால் அவரைப் படத்திலிருந்து நீக்கி விட்டார் ஸ்ரீதர்.

நீக்கியிருக்க வேண்டிய அவசியமில்லையே…படப் பெயரை ஓ பஞ்சு என்றூ மாற்றியிருக்கலாமே?

***

47 நாட்கள் என்ற படத்தில் நான் ஆக்சுவலாக நடிக்கவில்லை. கேஷுவலாக ஒரே ஒரு சீன்ல வருகிறேன். அவ்வளவுதான்! – சிவசங்கரி

ஒரு நாள் ஒரு காட்சி நடிகை அவ்வளவுதான்!

***

முரட்டுக்காளை படத்தில் ரஜிகாந்துக்கு வில்லனாக நடிக்கிறார் ஜெய்சங்கர்.

உண்மையில் படவுலகில் இப்போது பல கதாநாயக்ரளுக்கு ரஜினிகாந்த்தான் வில்லனாக இருக்கிறார்.

***

படப்பிடிப்பு நேரத்தில் ஆற்றில் விழுந்து உயிருக்குப் போராடிய புதுமுகம் நவஸ்ரீயை தயாரிப்பாளர் ஆற்றில் குதித்துத் காப்பாற்றினார்.

கைகொடுத்த தெய்வம் என்று பத்திரிகைக்கு அந்த நடிகை பேட்டி கொடுக்கலாம்.