பட்டதாரி
கல்யாணச் சந்தையிலே
விலை போக வேண்டி
எனை
விலை பேசி விட்டு வந்தார்
கல்விச் சந்தையிலே

அப்பப்பா !

அடி மாட்டுக் கூட்டத்திலே
நானுமொரு அடி மாடாய்
கல்லூரி யெனும்
கெட்டிலிலே.

படித்த எனக்கும் புரியவில்லை
பாடம் எடுத்தவனுக்கும்
விளங்கவில்லை
ஆனாலும் நான் பட்டதாரி

கணக்கு பார்க்க ஒரு கூட்டம்
காசு பார்க்க ஒரு கூட்டம்
கடை தெருவில்
விழி பிதுங்கி
நிற்பதென்னவோ கல்வி மட்டும் தான்.

அறிவுப் பசி மேல் எழும்ப
வயிற்றுப் பசி கீழ் இழுக்க
வறுமைக் கோட்டில் மயங்கிச் சாயும்
அவல நிலை மாறிடனும்

கடைச் சரக்காய் மாறி விட்ட
கல்வித் தரம் உயர்ந்திடனும்
சேர்ந்திழுப்போம் கல்வித் தேரை..