ஜன்னல் நிலா: வ. மாரிசுப்பிரமணியன் 

ஜன்னல் நிலாவைக்காண்பது அரிது இங்கு,
ஜன்னல்களேயில்லாத வீடுகள்தான் பெரிது, புதிது.. 
விளைநிலங்களுக்குள் வீடுகள் முளைக்கின்றன.
ஒட்டாத மனிதர்களால், ஒட்டிய சுவரோடு கட்டிய வீடுகள். அங்கு,
ஒருமைப்பாடு ஒட்டிய சுவரோடுதான்.
காற்றுப்புக வழியில்லை.
இதில், ஜன்னல் நிலாவை எங்கே காண்பது..
ஜன்னல்நிலா – இனி கானல்நிலாதான்…
பலருக்கும் பகல்கனவு  நிலாதான்.