சூரியதாகம் தீர்ந்ததும்
கோடைமழை வருவது தானே
பொருத்தம்;

வள்ளுவன் அன்றே வாய்
மலர்ந்தான்;
விசும்பின் துளிவீழ்ந்தால் தான் பசும்புல்
தலைகாட்டுமென்று;

விழ மறுக்கிறதே மழைத் துளி;
ஏன் இந்த நிலை?
வேரோடு வெட்டிச் சாய்த்த
மரங்கள் எத்தனையோ?

கக்கும் வாகனப் புகையில் தான் எத்தனை நச்சு?
இயற்கையை மறந்தோம்,
இன்னலுக்கு ஆளானோம்;

நீருக்காக ஏங்கும் பறவைகளுக்காகவும்.
விலங்கினங்களுக்காகவும்
தாவரங்களுக்காகவும்,மழை
வரம் தருவாயா,கோடை மழையே?