தாய்மை அடைந்த பெண்ணுக்கு
குழந்தை பிறக்கும் வரை
அது ஒரு கஷ்டகாலம்
தவழும் குழந்தை – பெண்ணுக்கு
பிறந்து விட்டால்
அந்த தாய்க்கு
அதுதான் எதிர் காலம் !

பள்ளியில் கல்லூரியில்
படிக்கும் மாணவனுக்கு
பரீட்சை வந்து விட்டால்
பயத்தில் தேர்வுக்காய்ச்சல்.
படித்த கேள்விகளே
எழுதும் பரீட்சையிலேவந்து விட்டால்
அந்த மாணவனுக்கு
அதுதான் எதிர் காலம் !

கருத்தொருமித்த காதலர்கள்
திருமணம் முடிக்கும் வரை
காதலுக்கு ஒரு கஷ்ட காலம்  
பெற்றோர் சம்மதத்தில் 
மணம் செய்யும் காலம்
வந்து விட்டால்
அந்த காதலர்களுக்கு  
அதுதான் எதிர்காலம் !

காசி ராமேஸ்வரம் தீர்த்தம்
கோவில் குளம் சுற்றும்
கும்பிடும் ஆன்மீகவாதிக்கு  
விரும்பும் மனஅமைதி
கிடைத்து விட்டால்
அந்த ஆன்மீகவாதிக்கு
அதுதான் எதிர்காலம்

படிக்க வைத்த பெற்றோர்கள்
வாழ்வில் மகிழும்படி
பிள்ளைகள் பெற்றோரைக்
கண்கலங்காமல்
கவனித்துக் கொண்டால்
அந்தப் பெற்றோருக்கு
அதுதான் எதிர்காலம் !

மனிதர்கள்...
நிகழ்காலத்தை நினைப்பதில்லை
இறந்தகாலம் மறந்து விடுவான்
எதிர்காலம் நினைத்து ஏங்குவான் !

மனித மனங்கள்  
நிகழ்காலம் எண்ணி வாழ்ந்தால்
அவனுக்கு
அதுதான் எதிர்காலம் !