மதுஆர் தண்அம் துழாயன்
முதுவேத முதல்வனுக்கு
எது,ஏது என்பணி என்னா
ததுவே ஆட்செய்யும் ஈடே.

தேன்வடியும் குளிர்ந்த, அழகிய துளசிமாலையை அணிந்தவன், பழைமையான வேதங்களால் புகழப்படும் முதல்வன் எம்பெருமான், 'அத்தகைய பெருமானுக்கு நான் செய்யக்கூடிய தொண்டு என்ன உள்ளது? நான் மிகவும் அற்பனாயிற்றே, எம்பெருமானுக்குத் தொண்டுசெய்யும் தகுதி எனக்கு உண்டா?' என்றெல்லாம் சிந்திக்காமல், உங்கள் தொண்டைச் செய்யத் தொடங்குங்கள், அதுவே அவனுக்குத் தொண்டு செய்வதற்கான தகுதி!