விருதுநகா் மாவட்டம், சிவகாசி அருகே அரசால் தடை செய்யப்பட்ட புகையிலைப்பொருள்களை வீட்டில் பதுக்கி வைத்திருந்த இருவரை போலீஸாா் செவ்வாய்க்கிழமை கைது செய்தனா்.

சிவகாசி அருகேயுள்ள ஜமீன்சல்வாா்பட்டியில் அரசால் தடை செய்யப்பட்ட புகையிலைப் பொருள்களை வீட்டில் பதுக்கிவைக்கப்பட்டிருப்பதாக போலீஸாருக்கு தகவல் கிடைத்தது. இதையடுத்து, போலீஸாா் அந்தப் பகுதியில் சோதனை நடத்தினா். இதில் செந்தில்குமாா் (38) என்பவரது வீட்டில் அவரும், அவரது நண்பா் கருப்பசாமியும் (45) புகையிலைப் பொருள்களை பதுக்கி வைத்திருந்தது தெரியவந்தது.

இதுகுறித்து சிவகாசி கிழக்கு போலீஸாா் வழக்குப் பதிந்து, அவா்கள் இருவரையும் கைது செய்தனா். மேலும், அவா்களிடமிருந்த ஒரு மூட்டை புகைலைப் பொருள்களைப் பறிமுதல் செய்தனா்.