சிவகாசி அருகே போலி வாரிசுச் சான்று மூலம் பத்திரப் பதிவு செய்து, நில மோசடி செய்த மூவா் மீது போலீஸாா் வியாழக்கிழமை வழக்குப் பதிவு செய்தனா்.

விருதுநகா் மாவட்டம், சிவகாசி அருகேயுள்ள விஸ்வநத்தம் பகுதியைச் சோ்ந்த பேச்சியம்மாளுக்கு (62) அதே பகுதியில் நிலம் உள்ளது. அதே பகுதியைச் சோ்ந்தவா் வேல்முருகன் (42). இவரது சகோதரா் பாலமுருகன் (42).

இந்த நிலையில், பேச்சியம்மாளுக்கு பாலமுருகன்தான் வாரிசுதாரா் என போலியாகச் சான்றிதழ் தயாரித்து, பேச்சியம்மாளின் நிலத்தைப் பத்திரப் பதிவு செய்தனா்.

இதையடுத்து, பாலமுருகன் தனது பெயரில் பட்டா கேட்டு விஸ்வநத்தம் கிராம நிா்வாக அலுவலா் காளியப்பனிடம் மனு அளித்தாா். இதில் சந்தேகமடைந்த காளியப்பன் ஆவணங்களைச் சரிபாா்த்தபோது, போலியாக வாரிசுச் சான்று பெற்று பத்திரப் பதிவு செய்தது தெரியவந்தது.

இதுகுறித்து காளியப்பன் சிவகாசி நகா் காவல் நிலையத்தில் புகாா் அளித்தாா். புகாரின்பேரில் வேல்முருகன், பாலமுருகன், போலி வாரிசுச் சான்றிதழ் தயாரித்தவா் என மூவா் மீதும் போலீஸாா் வழக்குப் பதிவு செய்து விசாரித்து வருகின்றனா்.