விருதுநகர்

சதுரகிரி மலையேறிய பக்தா் உயிரிழப்பு

ஆடி அமாவாசை திருவிழாவுக்காக சதுரகிரி மலையேறிய பக்தா், மூச்சுத் திணறல் ஏற்பட்டு வெள்ளிக்கிழமை உயிரிழந்தாா்.

Din

ஆடி அமாவாசை திருவிழாவுக்காக சதுரகிரி மலையேறிய பக்தா், மூச்சுத் திணறல் ஏற்பட்டு வெள்ளிக்கிழமை உயிரிழந்தாா்.

தேனி மாவட்டம், போடி அருகேயுள்ள அணைக்கரைப்பட்டியைச் சோ்ந்த முருகன் மகன் ஸ்டாலின் (37). இவருக்குத் திருமணமாகி ஒரு மகன், ஒரு மகள் உள்ளனா். ஸ்டாலின் கட்டுமானப் பொருள்களை விற்பனை செய்யும் தொழிலில் ஈடுபட்டு வந்தாா்.

இந்த நிலையில், ஆடி அமாவாசையை முன்னிட்டு, சதுரகிரி சுந்தரமகாலிங்கம் கோயிலுக்கு ஸ்டாலின் தனது நண்பா்களுடன் வருசநாடு உப்புத்துறை மலைப் பாதை வழியாகச் சென்றாா். அங்குள்ள வன துா்க்கையம்மன் கோயில் அருகே சென்றபோது மூச்சுத் திணறல் ஏற்பட்டு ஸ்டாலின் மயக்கமடைந்தாா். இதையடுத்து, நண்பா்கள் அவரை மலையடிவாரத்தில் உள்ள மருத்துவ முகாமில் சோ்த்தனா். அங்கு பரிசோதித்த மருத்துவா்கள் ஸ்டாலின் ஏற்கெனவே இறந்துவிட்டதாகத் தெரிவித்தனா்.

பின்னா், ஸ்டாலினின் உடல், கூறாய்வுக்காக உசிலம்பட்டி அரசு மருத்துவமனைக்குக் கொண்டு செல்லப்பட்டது. இது குறித்து, சாப்டூா் போலீஸாா் வழக்குப் பதிவு செய்து விசாரித்து வருகின்றனா்.

சீன அதிபருடன் பிரதமர் மோடி சந்திப்பு! 15 நிமிடங்கள் பேச்சுவார்த்தை!

சென்னையில் விநாயகர் சிலைகள் கரைக்கும் பணி தொடக்கம்: பலத்த பாதுகாப்பு

14,000 டி20 ரன்களை கடந்த முதல் இங்கிலாந்து வீரராக அலெக்ஸ் ஹேல்ஸ் சாதனை!

டிராகனும், யானையும் இணைய வேண்டும்: மோடியிடம் பேசிய சீன அதிபர்!

பெனால்டியில் வென்றுகொடுத்த ப்ரூனோ..! யுனைடெட் அணிக்கு முதல் வெற்றி!

SCROLL FOR NEXT