தெலுங்கில் சூப்பர் ஹிட் ஆன "ஆர்யா' படத்தை ஜெமினி பிலிம்ஸ் நிறுவனம் தமிழில் "குட்டி' என்ற பெயரில் தயாரிக்கிறது. தனுஷ், ஸ்ரேயா நடிக்கும் இந்தப் படத்தை "யாரடி நீ மோகினி' படத்தை இயக்கிய மித்ரன் ஆர்.ஜவஹர் இயக்குகிறார்.



"குட்டி' பற்றி கேட்டபோது...



""காதல், ஆக்ஷன் கலந்த வித்தியாசமான கதை. கல்லூரி மாணவி ஸ்ரேயா, சக மாணவன் ஒருவனைக் காதலித்தாலும் அவரைத் துரத்தித் துரத்திக் காதலிக்கிறார் தனுஷ். அவரை முழுமையாக வெறுக்கும் ஸ்ரேயா இறுதியில் தனுஷை உயிருக்கு உயிராக விரும்புகிறார். அது எப்படி என்பதை உணர்வுப்பூர்வமாகக் கூறியிருக்கிறோம். பொதுவாக நம் வீட்டிலும் பிற இடங்களிலும் தமக்குப் பிடித்தமானவர்களை செல்லமாகக் "குட்டி' என அழைப்பதுண்டு. அதனாலேயே இந்த டைட்டிலை வைத்தோம். தேவிஸ்ரீபிரசாத்தின் இசையில் பாடல்களும் "தளபதி' தினேஷின் சண்டைக் காட்சிகளும் படத்தின் பெரிய ப்ளஸ் பாய்ண்ட். படம் பொங்கலுக்கு வெளிவருகிறது. சிட்டி தொடங்கி பட்டிதொட்டி வரை "குட்டி' அனைவரையும் கவருவான்'' என்றார்.