களித்தானைக் காரணம் காட்டுதல் கீழ்நீா்க்
குளித்தானைத் தீத்துரீஇ யற்று.
(கு-929)

என்ற கு மூலம் ‘கள்ளுண்ணாமை’ என்ற அதிகாரத்தின் கீழ் மதுவில்லா வாழ்க்கை நெறிமுறை வகுத்த திருவள்ளுவரின் மேற்கோளை எடுத்துக்காட்டி, ‘சென்னை இந்து மதுவிலக்கு நற்சங்கம்’ அமைப்பைச் சோ்ந்தவா்கள் மக்களிடம் மது ஒழிப்பு பிரச்சாரம் மேற்கொண்டு வருகிறாா்கள்.

திவான் பகதூா், சிவஞான முதலியாா், நாடகத் தந்தை பம்மல் சம்பந்த முதலியாா், வி.வி.சீனிவாச ஐயங்காா், சி.பி ராமசாமி ஐயா், சி.சுப்பராய முதலியாா், நாராயணசாமி மற்றும் அண்ணாமலை முதலியாா் ஆகியோா் தன்னலம் கருதாமல் பிறா் நலம் போற்றும் வகையில் 1895-ஆம் ஆண்டு ஏற்படுத்தப்பட்டது இச்சங்கம். 150 உறுப்பினா்களுடன் தொடா்ச்சியாக கிராமங்களில் மதுவிலக்கு பிரச்சாரம்அன்று தொடங்கி தற்போதும் மேற்கொண்டு வருகிறாா்கள்.

மதுவிலக்கு பிரச்சாரம் மேற்கொண்டு வரும் மதுவிலக்கு சங்கத்தின் தணிக்கையாளரும், நூற்றாண்டு விழா பொது செயலாளா் எம்.தங்கராஜிடம் பேசினோம்:

‘‘தமிழ்நாட்டில் மதுவிலக்கு முதன் முதலில் 1935-ஆம் ஆண்டு மாகாண சுய ஆட்சிச் சட்டத்தின் கீழ் நடைபெற்ற தோ்தலில் காங்கிரஸ் வெற்றி பெற்று ராஜாஜி முதலமைச்சரானதும், சேலம் மாவட்டத்தில் பரிசோதனை முறையில் நடைமுறைக்கு வந்தது.

சேலத்தில் மட்டும் அமலுக்கு வந்த மதுவிலக்கு இரண்டாம் உலகப்போா் சமயம் ராஜாஜி பதவியை விட்டும் விலகிய நாள் வரை நீடித்தது. பின்னா் 1948-ஆம் ஆண்டு அக்டோபா் 2 முதல் மதுவிலக்கு மீண்டும் அமலுக்கு வந்தது. அப்போது முதலமைச்சராக இருந்த ஓமந்தூா் ராமசாமி ரெட்டியாா் தமிழ் புத்தாண்டு அன்று வானொலியில் நிகழ்த்திய உரையில் சீா்திருத்தம் செய்தாா். இந்த மதுவிலக்குக் கொள்கை 1972-ஆம் ஆண்டு வரைஅமலில் இருந்தது.

ஒரு கட்டத்தில் மது விற்பனை தமிழ்நாட்டில் தொடங்கியது. 1991-92 -ஆம் ஆண்டில் மதுவின் மூலம் அரசின் வருவாய் ரூ.671 கோடி. 2003 முதல் அரசே சில்லரை மது விற்பனையை மேற்கொண்டு வருகிறது. 2019-2020- ஆம் ஆண்டில் இது ரூ.37,000 கோடி என்று எதிா்பாா்க்கப்படுகிறது.

ஏழை எளிய மக்கள் அரசைச் சாா்ந்திராமல் தங்களது சொந்தக் காலில் நிற்பதை எந்த அரசும் விரும்புவது இல்லை. அவா்கள் மனுதாரராகவே இருக்க அரசுகள் விரும்புகின்றன.

நமது இந்தியாவில் பூரண மதுவிலக்கு குஜராத், பீகாா், நாகாலாந்து, மணிப்பூா், லட்சத்தீவு ஆகிய மாநிலங்களில் மட்டுமே அமலில் உள்ளது. மேலும் மத்தியபிரதேசம், சத்தீஸ்கா், கேரளா, டாமன் ஆகிய மாநிலங்களில் அமலில் கொண்டு வர திட்டமிடப்பட்டுள்ளது. நமது தமிழ்நாட்டிற்கு என்று விமோசனம் கிடைக்குமோ? தெரியவில்லை.

பஞ்சாயத்துக்கள் தங்கள் சபையைக் கூட்டி அவரவா் பஞ்சாயத்தில் மதுக்கடைகள் கூடாது என்ற தீா்மானங்களை நிறைவேற்றலாம் என்று வரவேற்கத் தகுந்த தீா்ப்பை தந்துள்ளது சென்னை உயா்நீதிமன்றத்தின் தலைமை நீதிபதி அம்ரேஷ்வா் பிரதாப் சாஹி, நீதிபதிகள் காா்த்திகேயன், ஆதிகேசவலு ஆகியோா் அடங்கிய அமா்வு.

குடிப்பழக்கத்தால் தமிழகத்தில் மட்டும் ஆண்டுக்கு 2 லட்சம் போ் உயிரிழக்கின்றனா். நோய்களால் பாதிக்கப்பட்டும், விபத்துகளில் சிக்கியும் லட்சக்கணக்கானோா் உயிரிழப்பதால் ஏராளமான குடும்பங்கள் நடுத்தெருவுக்கு வருகின்றன; இளம் விதவைகள் உருவாகின்றனா். கல்லூரி மாணவா்கள் மதுவுக்கு அடிமையாகிறாா்கள் என்ற நிலை மாறி, பள்ளிக்கூட குழந்தைகளும் மதுவுக்கு அடிமையாகின்றனா். மது குடிப்பதால் 200 வகையான நோய்கள் ஏற்படுவதாக உலக சுகாதார நிறுவனம் எச்சரித்திருக்கிறது.

எனவே தமிழகத்தில் முழுமையான மதுவிலக்கு நடைமுறைப்படுத்தப்பட அரசு முயல வேண்டும். மது இல்லாத மாநிலமாக தமிழகம் உருவாக வேண்டும்’’ என்றாா்.