""நம்ம ராமசாமி அடிச்ச ஜோக்குக்கு அவர் போகிறவரை சிரிக்கிறீயே... ஏன்''
""சிரிக்கிறதை நிறுத்திட்டா அவர் இன்னொரு ஜோக்கை சொல்லிடுவாருங்கிற பயம்தான்''

ஆர்.வசந்தகுமார், சிதம்பரம்.

""உனக்கு ஒரு கஷ்டம் வந்தபோது உன் உறவினர்கள் வந்திருக்கிறார்களா?''
""ம்... என் கல்யாணத்துக்கு வந்திருந்தாங்களே''

கே.முத்தூஸ், தொண்டி.

""எல்லா நடிகர்களும் என்னைக் காதலிப்பதா எனக்கு போன் வரும்டி''
""சும்மா ரீல்  விடாதடி''
""ரீல் இல்லைடி...  இது ரியல்... 

என் லவ்வர் ஒரு மிமிக்ரி ஆர்டிஸ்ட்''
எம்.ஏ.நிவேதா, அரவக்குறிச்சிபட்டி.

""புதுசா வந்திருக்கிற மருமகளை பக்கத்து வீட்டம்மாவுக்கு உடனே பிடிச்சுப் போச்சா... எப்படி?''
""அவங்க கூட உட்கார்ந்துகிட்டு மெகா சீரியல் பார்த்து நல்லா 
விமர்சனம் பண்றாளாம்''

ஆர்.விஸ்வநாதன், சென்னை.

""பையனுக்கு ஒரு மெடிக்கல் ஷாப் வச்சுக் கொடுத்திட்டேன்''
""எந்தப் பையனுக்கு சார்? 
மருந்துக்குக் கூட படிப்பு வரலைன்னு சொல்லுவீங்களே... அந்தப் பையனுக்கா?''

வி.ரேவதி, தஞ்சை.