சிரி... சிரி...

''ஏண்டா மாப்ளே. சோகமாய் இருக்கே!''
''இன்னிக்கு என்வீட்டுல'' குழம்பு நல்லா வெச்சேன்'னு பாராட்டினேன் வம்பாயிடுச்சி!''
''அதுக்கு சந்தோஷம்தானே படுவாங்க!''
''அது பக்கத்து வீட்டுக்காரி வெச்ச குழம்புவாம்!''

-அ.ப.ஜெயபால்,
சிதம்பரம்.

''நான் தினமும் கீரியையும் பாம்பையும் தினமும் பார்ப்பேன்!''
''அது எப்படி?''
''ஆமாம். வீட்டில்தானே பாட்டியும் அம்மாவும் இருக்காங்க!''
-பி.பாலாஜி கணேஷ், சிதம்பரம்.
''ஒரே கல்லில் ரெண்டு மாங்காய் அடிக்கணும்!''
''என்ன சொல்றீங்க? புரியலையே?''
''நல்ல தேங்காய் பதமாய் ஒரு இளநீர் வெட்டுங்க! தண்ணீர் எனக்கு .. தேங்காய் சட்னிக்கு!''



''ஏம்பா? 'நூடுல்ஸ்' பார்சல் கேட்டு அரைமணி நேரத்துக்கு மேலாகுது!''
''கோவிச்சுக்காதீங்க சார். ஸ்டோரில் காஸ் எடுக்க போய் இருக்காங்க!''
''அப்ப.  பாஸ்ட் புட் இல்லை. 'ஸ்லோ உணவகம்' பேரை மாத்தச்சொல்லுங்க?''



''ஏம்பா. சாப்பாடு, பணம், எதுவும் வேணாங்கிறே?''
''ஒரளவுக்கு நல்ல வசதியாக இருக்கேன் தாயி. நலம் விசாரிச்சு போக வந்தேன் மகராசி!''

-அ.சுஹைல் ரஹ்மான்,
திருச்சி.

''ஏம்பா! சர்க்கரையைவிட எடை குறைச்சலா போடுற!''
''சார். சுகர் லெவல்  கூடியிருக்கேன்னு வருத்தப்பட்டீங்களே.. ஏதோ என்னால் முடிஞ்ச அளவுக்கு குறைக்கலாமேன்னுதான்!''



''என்ன கதாசிரியரே. கதையில் கசப்பு பதார்த்தமாக அடுக்கியிருக்கீங்க?''
''டைரக்டர் சார். கதாநாயகனுக்கு சர்க்கரை நோய் வரப்போவதை சிம்பாலிக்கா சொல்ற டெக்னிக்தான் இது''

-என்.கே.மூர்த்தி,
சென்னை.

''என்னம்மா. எதை கேட்டாலும் டக்குன்னு பதில் சொல்றீங்க? போர்டில் எழுதியிருக்கிறதை மட்டும் சொல்ல மாட்டேங்குறீங்க?''
''டாக்டர் . என் மாமியார்தான் நீ படித்த படிப்பை எங்கேயும் பயன்படுத்தக் கூடாதுன்னு சொல்லியிருக்காங்களே!''

-ஏ.எஸ்.ராஜேந்திரன்,
விருதுநகர்.