அவ்வப்போது மலையாள சினிமாவில் தலைக்காட்டுவதோடு நிறுத்திக் கொள்வார் த்ரிஷா. தமிழில் தொடர்ச்சியாக முன்னணி நடிகர்களோடு ஜோடி சேர்ந்தவரை மலையாள சினிமா அழைத்தாலும் போக மாட்டார். அதிக சம்பளம் கேட்டும் கிடைக்காமல் போனது மலையாள சினிமாவை அவர் ஒதுக்க காரணமாக அமைந்தது.
 இந்த நிலையில் மோகன்லால் ஜோடியாக மலையாளப் படத்தில் நடிக்க இருக்கிறார் த்ரிஷா.
 தமிழில் ஒரு சில படங்களில் நடிக்கிறார். இதனால் கடந்த ஆண்டு மலையாளத்தில் நடிக்க கேட்டதும் ஒப்புக்கொண்டார். "ஹே ஜூட்' என்ற மலையாள படத்தில் அவர் நடித்தார். படம் வெற்றி பெறவில்லை. இந்நிலையில் ஜீது ஜோசப் இயக்கத்தில் மோகன்லால் நடிக்கும் படத்தில் நடிக்க அவரை கேட்டுள்ளனர். இதில் நடிக்க த்ரிஷா சம்மதிப்பார் என கூறப்படுகிறது. "திரிஷ்யம்' படத்தின் வெற்றிக்கு பிறகு ஜீது ஜோசப் இயக்கத்தில் மீண்டும் மோகன்லால் நடிப்பது குறிப்பிடத்தக்கது.