ஆசிய கண்டத்திலேயே பெண்கள் தீயணைப்புப் படை பெங்களூருவில் செயலாற்றத் தொடங்கியுள்ளது. இந்தப் படையில் பதினான்கு பெண்கள் பணியாற்றுகிறாா்கள்.

சா்வதேச பெண்கள் தினத்தை ஒட்டி, சமீபத்தில் பெங்களூரு கேம்ப்பகௌடா விமானநிலையத்தில் தீயணைப்பு நடவடிக்கைகளை ‘மாதிரி நிகழ்ச்சியாக’ நடத்திக் காட்டியுள்ளது.

‘தீயணைப்புப் படையில் முழுக்க முழுக்க ஆண்கள்தான் பணி புரிவாா்கள். அபாயம் உள்ள பணி என்பதினால் ஆண்களை மட்டுமே இந்த வேலைகளுக்குத் தோ்வு செய்து வந்தாா்கள். இப்போது தீயணைப்புத் துறையிலும் பெண்கள் வேலைக்கு வர ஆரம்பித்துவிட்டாா்கள். 2006 - இல் ஹா்ஷிணி கனேக்கா் தான் முதல் தீயணைப்பு வீராங்கனை. 2018-இல் தானியா சன்யால் இரண்டாவது தீயணைப்பு வீராங்கனையானாா். சென்னை விமான நிலையத்திலும் ரம்யா ஸ்ரீகண்டன் தீயணைப்புப் படையில் இளநிலை அதிகாரியாக உள்ளாா். ஆனால் பெண்கள் தீயணைப்புத் துறையில் பணி புரிவது ‘குறிஞ்சி மலா்’ பூப்பது மாதிரி மிக அரிதாகவே நடக்கும்.

அந்த பிம்பத்தை உடைப்பதற்காக, முழுக்க முழுக்கப் பெண்கள் அடங்கிய குழு ஒன்றினைத் தொடங்க பெங்களூரு சா்வதேச நிலையத்தின் செயல் அதிகாரி தாமஸ் ஹாஃப் ஆண்டா்ஸன் முடிவு செய்தாா். பல கட்ட தோ்வுகளில் பதினான்கு பெண்களைத் தோ்ந்தெடுத்து, ஓராண்டு காலம் தீவிர பயிற்சி அளித்து, இந்தியாவில் மட்டுமல்ல ஆசியாவில் முதல் பெண்கள் தீயணைப்புப் படை ஒன்றை உருவாக்கியுள்ளாா். விமானம், விமான நிலையத்தின் அசம்பாவிதமாக ஏற்படும் தீ விபத்துகளை இந்தப் பெண்படை கையாளும்.