பொன்னாங்கண்ணிக் கீரை பொரியல்

தேவையானவை:

பொன்னாங்கண்ணிக் கீரை - 1 கட்டு
பாசிப்பருப்பு - 25 கிராம்
பூண்டு - 5 பல்
பொட்டுக்கடலை - 1மேசைக்கரண்டி
காய்ந்த மிளகாய் - 4
உப்பு -  தேவைக்கேற்ப
தாளிக்க
கடுகு, கடலைப்பருப்பு, 
உளுத்தம் பருப்பு, 
சீரகம் -  தலா 1 தேக்கரண்டி
காய்ந்த மிளகாய் - 3 
எண்ணெய் - தேவைக்கேற்ப

செய்முறை:

பொன்னாங்கண்ணி கீரை பொரியல் செய்வதற்கு பாசிப்பருப்பு சிறிதளவு எடுத்து அரை வேக்காடு அளவிற்கு வேகவைத்து கொள்ளவும். அதன் பிறகு வாணலியில் 1 தேக்கரண்டி எண்ணெய் விட்டு தாளிக்க கொடுத்துள்ளதை சேர்த்து நறுக்கி வைத்துள்ள கீரையினை அதில் சேர்த்து வதக்கிக்கொள்ளவும். கீரை லேசாக வதங்கிய பிறகு தயாராக உள்ள பாசிப்பருப்பை சேர்த்து கிளறவும். அடுத்ததாக இதனுடன் சிறிதளவு உப்பு சேர்த்து, பொட்டுக்கடலை, பூண்டு, காய்ந்த மிளகாயை மிக்சியில் கொரகொரப்பாக அரைத்து பொரியலில் சேர்த்துவிடவும். பொன்னாங்கண்ணி கீரை பொரியல் ரெடி.