தேவையானவை:

சேனைக்கிழங்கு - கால் கிலோ
வடாம் - 10
தேங்காய்த்துருவல் - 1 டம்ளர்
மஞ்சள் தூள் - சிறிது
மிளகாய் வற்றல் - 3
சீரகம் - முக்கால் தேக்கரண்டி
சின்ன வெங்காயம் - 4
எண்ணெய், உப்பு - தேவைக்கேற்ப

செய்முறை:

சேனையை நன்கு சுத்தம் செய்து, நடுத்தர அளவு துண்டுகளாக நறுக்கி, அவித்து தண்ணீரை வடித்துவிடவும். வடாம்களை எண்ணெய்யில் பொரித்து எடுத்து வைக்கவும். தேங்காய்த் துருவல், மிளகாய் வற்றல், மஞ்சள் தூள், சீரகம், சின்ன வெங்காயம் இவைகளைச் சேர்த்து மிக்சியிலிட்டு கரகரப்பாக அரைத்துக் கொள்ளவும். வாணலியில் அவித்த சேனைத் துண்டுகள், மசாலாக் கலவை, இரண்டையும் போட்டு கொஞ்சம் நீர் ஊற்றி, பொரித்த வடாம்கள், உப்பிட்டு வேகவிடவும். கலவையில் நீர் சுண்டி வந்ததும், கடுகு கறிவேப்பிலை தாளித்த பின் இறக்கவும். சேனைக்கிழங்கு, வடாம் அவியல் ரெடி.