தேவையானவை:

சேமியா- 200 கிராம்
உருளைக்கிழங்கு- 3
காரட்- 3
வெங்காயம்- 4
மைதா - 50 கிராம்
ரஸ்க் தூள்- 50 கிராம்
மிளகாய்த் தூள்- 1 தேக்கரண்டி
கரம் மசாலா தூள்- 1 தேக்கரண்டி
மஞ்சள் தூள்- 1 தேக்கரண்டி
கொத்தமல்லித் தழை- சிறிதளவு
சீரகம்- 1 தேக்கரண்டி
உப்பு, எண்ணெய்- தேவையான அளவு

செய்முறை: 

முதலில் உருளைக்கிழங்கு, காரட் மசித்து கொள்ள வேண்டும். வெங்காயம், பச்சை மிளகாய் நறுக்க வேண்டும். சேமியாவை கொதிக்கும் தண்ணீரில் போட்டு கொதி வந்ததும் இறக்கி வடிதட்டில் போட்டு வடித்து வைக்க வேண்டும்.
வாணலியை அடுப்பில் வைத்து எண்ணெய்விட்டு சீரகம் தாளிக்க வேண்டும். அதனுடன் வெங்காயம், பச்சை மிளகாய், கொத்தமல்லி சேர்க்க வேண்டும். அதில், மசித்த உருளைக் கிழங்கு, காரட், வடிகட்டிய சேமியா போட வேண்டும். மிளகாய்த் தூள், கரம் மசாலா தூள், மஞ்சள் தூள் சேர்த்து நன்றாகக் கிளற வேண்டும். மைதா மாவில் சிறிது தண்ணீர் ஊற்றி கெட்டியாகக் கரைத்து கொள்ள வேண்டும். 

காய்கறி கலவையை உருண்டையாக உருட்ட வேண்டும்.  உருண்டையை மைதாவில் முக்கி ரஸ்க் தூளில் புரட்டி தோசைக்கல்லில் எண்ணெய்விட்டு வெந்து எடுக்க வேண்டும்.