அரைக்கீரை வடை

தேவையான பொருள்கள்:

அரைக்கீரை- 1 கட்டு

கடலைப் பருப்பு- 2 கிண்ணம்

பெரிய வெங்காயம்-1

பச்சை மிளகாய்-5

எண்ணெய், உப்பு- தேவையான அளவு

செய்முறை:

பருப்பை இரண்டு மணி நேரம் ஊறவைத்து, ஒன்றிரண்டாக நீர்விடாமல் அரைக்கவும். அரைத்த பருப்புக் கலவையுடன் உப்பு, பொடியாக நறுக்கிய வெங்காயம், பச்சை மிளகாய், அரைக்கீரையைச் சேர்க்கவும். இவற்றை ஒன்றாகச் சேர்த்து பிசைந்து வடைகளாகத் தட்டி வைக்கவும். எண்ணெயை சூடாக்கி தட்டிய வடைகளைப் பொரித்து எடுத்தால், அரைக்கீரை வடை தயார்.