கோதுமை அடை

தேவையான பொருள்கள்:

கோதுமை மாவு - 1 கிலோ

உப்பு, எண்ணெய் - தேவைக்கேற்ப

வெங்காயம்- 4

பச்சை மிளகாய் - 6

கறிவேப்பிலை - சிறிதளவு

செய்முறை:

முதலில் தேவையான தண்ணீரில் விட்டு கோதுமை மாவை அடைமாவு பதத்துக்குப் பிசைந்து கொள்ளவும். வெங்காயம், பச்சை மிளகாயை பொடியாக நறுக்கி மாவில் சேர்க்கவும். மேலும் தேவையான உப்பு, கறிவேப்பிலை சிறிது எண்ணெய் சேர்த்து சற்று இறுக்கமாகப் பிசையவும். அந்த மாவை தேவையான அளவு உருண்டையாக எடுத்து எண்ணெய் தடவிய வாழை இலையில் அடையாகத் தட்டி தோசைக்கல்லில் போட்டு எண்ணெய் விட்டு இரு பக்கமும் நன்றாக வெந்ததும் எடுக்கவும். சுவையான கோதுமை அடை தயார்.