 கேக் பேக் செய்யும் ஓவனின் சூடு மிகத் துல்லியமாக இருக்க வேண்டும். கேக் பேக் செய்வதற்கு இருபது நிமிடங்களுக்கு முன்பே ஓவனை சூடாக்கி விட வேண்டும்.

கேக் பேக் செய்யப்படும்போது, ஓவனை திறந்து மூடக் கூடாது. திறந்து மூடினால் கேக்கின் மென்மைத் தன்மை பாதிக்கப்படும்.

புரூட் கேக் தயாரிக்கும்போது, பழங்களில் விதைகளை நீக்கிவிட்டு சிறிதாக நறுக்க வேண்டும். முந்திரிப் பருப்பையும் சிறிதாக நறுக்க வேண்டும். பெரியதாக நறுக்கிவிட்டால், கேக் எளிதாக உடைந்துபோகும்.

கேக் தயாரிக்க முட்டையை அடித்து நுரைக்க வைக்கும்போது, ஒரு தேக்கரண்டி மைதாவையும் அதனுடன் சேருங்கள். இதனை சேர்த்தால், கேக் கலவை சுவையாக இருக்கும்.