சின்னச் சின்ன உண்டியல்

சிவப்பு நிறம் எனது உண்டியல்

மண்ணில் செய்த உண்டியல்

மகிழ்ச்சி கொடுக்கும் உண்டியல்!

எண்ணி எண்ணி அதனிலே

எனக்குக் கிடைக்கும் காசுகள்

சிறுகச் சிறுக நானுமே

சேர்த்து வருதல் தெரியுமா?

காசு பணமும் சேர்வதால்

கவலை இல்லை எனக்குமே

ஆசைப்பட்ட பொருள்களை

அதனைக் கொண்டு வாங்குவேன்!

எழுதும் பொருட்கள் வாங்குவேன்

இனிப்பு மிட்டாய் வாங்குவேன்

யாரும் உதவி வேண்டினால்

எடுத்துத் தந்து உதவுவேன்!

சின்னஞ் சிறிய வயதிலே

சேர்க்கும் பண்பு தேவையே

சேர்த்த பணத்தைக் கொண்டு நாம்

சேவை செய்ய வேண்டுமே!