உயர்ந்த விலங்கு ஒட்டகத்தை

 ஓடி வந்து பாருங்கள்!

 நிமிர்ந்த கழுத்து நீண்ட தலை

 நிற்கும் அழகைப் பாருங்கள்!

 சாது இந்த விலங்கு என்றும்

 சப்தம் செய்வ தில்லையே!

 ஏதும் துன்பம் செய்திடாமல்

 எட்டி நின்று பாருங்கள்!

 வளைந்த முதுகு வாலிருக்கு

 வந்து நீங்கள் பாருங்கள்!

 திறந்த வாயில் பெரிய பற்கள்

 தெரியும் வந்து பாருங்கள்!

 பாலை வனத்தின் கப்பலிதனை

 பார்க்க ஓடி வாருங்கள்!

 கோலும் இல்லை துடுப்புமில்லை

 கடக்கும் தூரம் பாருங்கள்!

 எந்த விலங்கு என்றபோதும்

 அன்பு காட்டல் வேண்டுமே!

 வம்பு தும்பு செய்திடாமல்

 வாழ வைப்போம் என்றுமே!