தேசப் பெருமை ஐந்து

ஆயிரம் கிளைகள் கொண்ட மரம்

அதுதான் நமது ஆலமரம்

அதுவே நமது தேசமரம்

ஆயிரம் கண்கள் கொண்டதுவாம்

அதுதான் நமது அழகுமயில்

அதுவே தேசப்பறவை யடா

ஆயிரம் விலங்கு இருந்தாலும்

ஆற்றல் மிக்க புலிதன்னை

அழைப்போம் தேச விலங்கென்று

ஆயிரம் மலர்கள் பூத்தாலும்

அழகு மிக்க தாமரைப்பூ

அதுவே நமது தேசமலர்

ஆயிரம் பழங்கள் பழுத்தாலும்

அடடா தேன்சுவை மாம்பழமே

அதுவே தேசப் பழமாகும்

ஆயிர மாயிரம் விளையாட்டில்

அழகு வளைதடிப் பந்தாட்டம் (ஆக்கி)

அதுவே தேச விளையாட்டு!