கூண்டுக்கிளியே! கூண்டுக்கிளியே!
 கூண்டிலுன்னை அடைத்தவர் யார்?
 கூண்டை விட்டு வெளியில் வா
 கோவை கொய்யா நான்தரேன்!
 
 பச்சைக்கிளியே! பச்சைக்கிளியே!
 பறித்தவர் எவரோ உன்னிறகை
 பறந்து நீயும் வெளியில் வா
 பருப்பும் சோறும் நான்தரேன்!
 
 வர்ணக்கிளியே! வர்ணக்கிளியே!
 வருந்தி சிறையில் அடையாதே
 கூண்டை துறந்து வெளியில் வா
 விருந் துனக்கு நான்தரேன்!
 
 மரகதக்கிளியே! மரகதக்கிளியே!
 இரந்து உண்ண வைத்தவர்யார்?
 பரந்த வானம் உன்னுலகம்
 பறப்பது தானே உன்வாழ்வு!