கருப்பு வண்ணக் காகமாம்
 கரையும் நல்ல காகமாம்
 விருப்ப மோடு அழைப்பவர்
 வீடு வந்து சேருமாம்.
 
 கூட்ட மாக வாழுமாம்
 கூடி உணவு உண்ணுமாம்
 வீட்டுக் கூரை தன்னிலே
 வேக மாக அமருமாம்.
 
 அன்னம் வைத்தால் உண்ணுமாம்
 அலகைத் தீட்டிக் கொள்ளுமாம்
 மின்னும் கண்கள் காட்டியே
 மிரட்சி கொண்டு பார்க்குமாம்.
 
 உண்ணும் போது ஒருபிடி
 உணவு கொஞ்சம் போடுவோம்
 தண்ணீர் வைத்து காகத்தின்
 தாகம் தீர்த்து வாழுவோம்!