ஐந்தறிவுக்குட்டி நாய்!

கண்ணிமைத்து என்னைப் பார்க்கும்
கருத்து உரைக்கக் குறைத்திடும்!
உண்ணும் சோற்றைக் கவ்வித் தின்னும் 
நீரை நக்கிக் குடித்திடும்! 

பழக்கம் உள்ளோர் தொலைவில் வந்தால் 
பாசத்தோடு ஓடிடும்!
வழக்கம் போல வாலை ஆட்டும்
வாயால் முனகி அழைத்திடும்!

செல்வச் செருக்கு, கல்விச் செருக்கு 
சிறிதும் இல்லா ஒரு சிலர் 
செல்லமாகக் குனிந்து தூக்கித்
தோளில் தூக்கி மகிழுவர்!

ஆறறிவை நன்றி கொண்டு 
வெல்லுகின்ற குட்டி நாய் 
பேறு மிக்க ஐந்தறிவு 
ஜீவனென்பேன் சிறுவனே!