வருகின்ற கப்பல் களுக்கு
 வழிகாட்டிக் கரையில் சேர்க்கும்
 இரவினில் வழியைக் காட்ட
 எப்போதும் ஒளியை வீசும்!
 
 கோபுரம் போலே மாடக்
 கூண்டுக்குள் ஒளி விளக்கு
 நாற்புறம் ஒளியை வீசும்
 நாவாய்கள் கரையை அறியும்!
 
 படிகளும் உண்டு;நாமும்
 பார்க்கலாம் மேலே ஏறி!
 நெடுங்கடல் நீலப் பரப்பின்
 நேர்த்தியும் காண லாமே!
 
 எல்லோர்க்கும் வழியைக் காட்டும்
 இனியதாம் கலங்கரை விளக்கம்
 நல்லோர்கள் நல்வழி போலாம்
 நாமந்த வழியில் நடப்போம்!