கடி

""ஸ்கூல் திறந்தவுடனே விதவிதமா கலர் கலரா மாஸ்க் போட்டு அசத்துவோம்டா!''
""நிறுத்துடா!....யூனிஃபார்ம் மாஸ்க்தான் மாட்டச் சொல்லுவாங்க பாரு!''

ஆர்.எம்.ஸ்ரீஅக்ஷயராம், 
திருநெல்வேலி டவுன்.

""நினைக்கிறதெல்லாம் நடந்தா?''
""ட்ராஃபிக் ஜாம் ஆகும்!''

ஆர்.சுந்தரராஜன்,
சிதம்பரம் - 608001.

(இரண்டு காகங்கள் பேசிக்கொள்கின்றன)
""என் பையனுக்கு ரெண்டு நாளா ஜுரம்!''
""..."க்ரோசின்' கொடுத்துப் பாரேன்!''
டீ . என் . பாலகிருஷ்ணன், 5/501, சத்சங்கம் தெரு, 33, ராகப்ரியா ஃப்ளாட்ஸ்,

மடிப்பாக்கம்,  
சென்னை - 600091.

""என்ன பண்றே?''
""...."நீ குழாய்'  பார்த்துக்கிட்டிருக்கேன்!''
""அப்படீன்னா?''
""யூ ட்யூப்  பார்த்துக்கிட்டிருக்கேன்!''

உ.சபாநாயகம்,
சிதம்பரம். 

""உன்னை எத்தனை தடவை கூப்பிடறது?.... காது கேக்கலையா?''
""கேக்குதே!.... பத்து தடவை 
கூப்பிட்டீங்க!..... சரியா?''

ஆர் . மகாதேவன்,
திருநெல்வேலி டவுன் 

""பக்கத்துக் கடையிலே போய் சுகர் வாங்கிக்கிட்டு வா''
""உன்னோட சைக்கிளைக் குடு!''
""பக்கத்துக் கடைதானே.... நடந்துபோய் வாங்கிட்டு வா''
""நடந்தா சுகர் குறையும்னு நம்ம டாக்டர் சொன்னாரே!''

கே.இந்துகுமரப்பன்,
விழுப்புரம்.