உடல் வளர்க்கும் கீரைகள்!

சிறுகீரை அடிக்கடி சாப்பிட்டால்
சிறப்பாய் கண்கள் ஒளி வீசும்!
அரைக்கீரை நாளும் சேர்த்திடுங்கள்
ஞாபகசக்தியைக் கூட்டிவிடும்!

அகத்திக் கீரையைச் சாப்பிடுங்கள்
அகலும் வயிற்றுப் புண்களெல்லாம்!
தண்டுக் கீரையைச் சாப்பிடுங்கள்!
தளர்ந்த உடலும் பலமாகும்!

பொன் னாங்கண்ணிக் கீரை உண்டால் 
பொன்னாய் மின்னும் மேனியுமே!
புதினாக் கீரையைச் சாப்பிடுங்கள் 
பசியைத் தூண்டி சக்தி தரும்!
வல்லாரைக் கீரையைச் சாப்பிடுங்கள்!
வளர்ச்சி காணும் மூளையுமே!
காசினிக் கீரை சாப்பிடுங்கள்!
காணாமல் போகும் பல நோய்கள்!

முடக்கறுத்தான் கீரை சாப்பிடுங்கள் 
முடக்குவாத நோய் தடுக்கும்! 
தூதுவளைக் கீரை உண்டால் 
துரத்தும் சளியை  மிக விரைவில்!

முருங்கைக் கீரை சாப்பிடுங்கள்
முறுக்கேறி உடலும் வளமாகும்!
நோய் இல்லா வாழ்வு வாழ்ந்திடவே 
நித்தம் கீரைகள் உண்பீரே!