சமையல்

அவல் உப்புமா

தேவையானவை:

அவல்- 2 கப்

வெங்காயம்- 3

பச்சை மிளகாய்- 4

எண்ணெய்- 4 தேக்கரண்டி

கறிவேப்பிலை, கொத்துமல்லி- சிறிதளவு

மஞ்சள்தூள், கடுகு, உப்பு- சிறிதளவு

எலுமிச்சம்பழம்- 1/2

செய்முறை:

அவலை கழுவி தண்ணீரை வடித்துவிடவும். வாணலியில் எண்ணெய் விட்டு கடுகு தாளித்து, நறுக்கிய வெங்காயம், பச்சைமிளகாய், மஞ்சள்தூள் சேர்த்து வதக்கவும். அதில் ஊறிய அவலை உதிர்த்துச் சேர்க்கவும். உப்பு, கறிவேப்பிலை, கொத்துமல்லி சேர்த்து நன்றாகக் கிளறி இறக்கவும். பரிமாறும்போது எலுமிச்சை சாறு சேர்க்கவும்.

அவல் மிக்சர்

தேவையானவை:

அவல்- 3 கப்

வேர்க்கடலை, பொட்டுக்கடலை- 1/2 கப்

முந்திரி, திராட்சை- 1 கப்

மிளகாய்த்தூள்- 1 தேக்கரண்டி

பெருங்காயத்தூள்- 1/2 தேக்கரண்டி

கருவேப்பிலை- சிறிதளவு

உப்பு, நெய்- தேவையான அளவு

செய்முறை:

வாணலியில் நெய் விட்டு அவலை பொன்னிறமாக வறுத்து தனியாக வைக்கவும். மீண்டும் நெய்விட்டு பொட்டுக்கடலை, முந்திரி, திராட்சை, கறிவேப்பிலையை வறுக்கவும். வேர்க்கடலையை வறுத்து தோல் நீக்கவும். வறுத்த பொருள்களை எல்லாம் ஒன்றாகச் சேர்த்து பெருங்காயத்தூள், மிளகாய்த்தூள், உப்பு சேர்த்துக் கிளறவும். அவல் மிக்சர் தயார்.

அவல் பாயாசம்

தேவையானவை:

அவல்- 1 கப்

தேங்காய்- 1

வெல்லம்- 3/4 கப்

முந்திரி, ஏலக்காய்தூள்- 1 தேக்கரண்டி

நெய்- சிறிதளவு

செய்முறை:

அவல், முந்திரியை நெய்விட்டு பொன்னிறமாக வறுக்கவும். தேங்காயைத் துருவி இரண்டு முறை பால் எடுக்கவும். வெல்லத்தை காய்ச்சி வடிகட்டி வைத்துக் கொள்ளவும்.அவலை இரண்டாவதாக எடுத்த தேங்காய்ப் பாலில் வேக வைக்கவும்.  அவல் வெந்ததும் முதல் தேங்காய்ப் பால், காய்ச்சி வடிகட்டிய வெல்லத்தையும் சேர்த்து, 5 நிமிடங்கள் கொதிக்க வைத்து இறக்கவும். கடைசியாக ஏலக்காய், வறுத்த முந்திரியைச்

சேர்க்கவும்.